၃၁ ဒီဇင်ဘာ၊ ၂၀၂၄
ဘင်္ဂလားဒေ့ရှ် အစိုးရဘက်က နယ်စပ်ရေးရာနဲ့ပတ်သတ်ပြီး မြန်မာစစ်ကောင်စီနဲ့ အာရက္ခတပ်တော် AA နှစ်ဘက်စလုံးနဲ့ အဆက်အသွယ်ရှိကြောင်း ဒီဇင်ဘာ ၃၀ ရက်က ထုတ်ပြန် ကြေညာပါတယ်။
“၂၇၁ ကီလိုမီတာရှိတဲ့ နယ်စပ်ကို အခု AA က ထိန်းချုပ်ထားပါတယ်။ တစ်ဖက်မှာလည်း မြန်မာနိုင်ငံကို စစ်ကောင်စီက အုပ်ချုပ်နေပါတယ်” လို့ ပြည်ထဲရေးဝန်ကြီးဌာန အကြံပေး ဒုတိယဗိုလ်ချုပ်ကြီး (ငြိမ်း) Jahangir Alam Chowdhury က မြန်မာနိုင်ငံနဲ့ထိစပ်နေတဲ့ Teknaf ဒေသကို သွားရောက်စဉ်က သတင်းထောက်တွေကို ပြောဆိုလိုက်ပါတယ်။
“ဒါကြောင့် ဘင်္ဂလားဒေ့ရှ်က နယ်စပ်အခြေအနေနဲ့ ပတ်သက်ပြီး နှစ်ဖက်စလုံးနဲ့ ဆက်သွယ်နေပါတယ်” ဟု Chowdhury က ဆိုပါတယ်။ ဘင်္ဂလားဒေ့ရှ် လုံခြုံရေးတပ်ဖွဲ့ဝင်တွေဟာ နယ်စပ်မှာ တာဝန်တွေကို သတိထား ဆောင်ရွက်နေတယ်လို့လည်း ပြောဆိုပါတယ်။
“ဘင်္ဂလားဒေ့ရှ် နယ်ခြားစောင့်တပ် (BGB) အပါအဝင် လုံခြုံရေးတပ်ဖွဲ့အားလုံးဟာ သူတို့ရဲ့ တာဝန်တွေကို အစွမ်းကုန်သတိနဲ့ လုပ်ဆောင်နေပါတယ်။ တရားဥပဒေစိုးမိုးရေးဆိုတာ အချိန်တိုင်း တည်ငြိမ်မှုရှိစေရေးကိုပဲ အဓိကထား လုပ်ဆောင်နေပါတယ်” လို့ ဆိုပြီး တခါတရံတော့ သေနတ်သံတွေ ၊ မော်တာကျည်တွေကြောင့် နယ်စပ်မှာ စိုးရိမ်မကင်းဖြစ်ရကြောင်း ထည့်သွင်းပြောဆိုပါတယ်။
မြန်မာနဲ့ ဘင်္ဂလားဒေ့်ရှ်ဟာ ကီလိုမီတာ ၂၇၁ ကီလိုမီတာ ထိစပ်နေပြီး နယ်စပ်နယ်နိမိတ်တွေကို AA က သိမ်းပိုက် ထိန်းချုပ်ထားပါတယ်။ နတ်မြစ်မှာ လောလောဆယ် ငါးဖမ်းထွက်ဖို့အတွက် မလုံခြုံသေးကြောင်း ဘင်္ဂလားဒေ့ရှ်အစိုးရက သတိပေးထားပြီး နယ်ခြားစောင့်တပ်ဖွဲ့ဝင်တွေ ထပ်ပြီး ခေါ်ယူသွားမယ်လို့ သတင်းတွေ ထွက်ပေါ်နေပါတယ်။
(Ref : PTI)
ပုံစာ – နတ်မြစ်ဖြတ်ကူးမယ့်ရိုဟင်ဂျာများ
ဓာတ်ပုံ – Refugees International
