၁၇ ဇူလိုင် ၂၀၂၅

ထိုင်း-မြန်မာနယ်စပ်က လက်ကျန်စစ်စခန်း၂ ခုဖြစ်တဲ့ ဝေါလေဗျူဟာကုန်းနဲ့ တီသဲလယ် စစ်စခန်းတို့ မကျဆုံးစေဖို့စစ်ကောင်စီဟာ မနေ့က ဇူလိုင် ၁၆ ရက် ညနေပိုင်းမှာ လေကြောင်းကနေ ဗုံးကြဲတိုက်ခိုက်တာတွေ လုပ်ဆောင်နေတယ်လို့ သိရပါတယ်။

စစ်ကောင်စီဟာ ရုရှားနိုင်ငံထုတ် YAK 130 တိုက်​လေယာဥ်နဲ့​ တော်လှန်ရေးတပ်တွေရှိမယ့်နေရာကို မိနစ်ပိုင်းသာခြားပြီး ဗုံး၂ ကြိမ် ကြဲချတိုက်ခိုက်ခဲ့တယ်လို့ နယ်စပ်စစ်​ရေးအ​ခြေအ​နေ​တွေကို​ဖော်ပြ​ပေး​နေတဲ့ Addy Chaiyadech က ရုပ်သံမှတ်တမ်းနဲ့ တကွ​ဖော်ပြပါတယ်။

​ဝေါ​လေဗျူဟာနဲ့ တီသဲလယ်စခန်း​တွေကို ​တော်လှန်​ရေးတပ်​တွေက ပိတ်ဆို့ဖြတ်​တောက်ထားတာ​ကြောင့်​ မြေပြင်ကနေ စစ်ကူနဲ့ ရိက္ခာ​တွေပို့လို့မရ​တဲ့အခြေ အနေအပေါ် စစ်ကောင်စီက လေကြောင်းကနေ ရိက္ခာပို့ဆောင်တာ ၊ လေကြောင်းကနေ ပစ်ကူပေးတာ ၊ခဲယမ်းချပေးတာတွေ လုပ်ဆောင်ဖို့ ကြိုးစားနေတယ်လို့ မြေပြင်စစ်ရေးသတင်းရင်းမြစ်တွေဆီကနေ သိရပါတယ်။

ဇူလိုင် ၁၄ ရက်​ ည​နေပိုင်းမှာ​လည်း စစ်​ကောင်စီက ခဲယမ်းနဲ့ ရိက္ခာလို့ယူဆရတဲ့ အထုပ်​တွေကို ​​လေယာဥ်​ပေါ်က​နေ ချ​ပေးခဲ့တယ်ကိူမြင်တွေ့ရတယ်လို့ ဆိုပါတယ်။

KNLA၊ PDF ပူးပေါင်းတပ်တစ်ခုဖြစ်တဲ့ FFD ဒရုန်းတပ်ဖွဲ့ကလည်း ဝေါလေဗျူ ဟာကုန်းပေါ်ကို ဒရုန်းဗုံးကြဲချခဲ့တာကြောင့် လက်နက်တိုက်ပေါက်ကွဲမီးလောင်မှုဖြစ်ပွားခဲ့ပါသေးတယ်။

ပူးပေါင်းတပ်တွေဟာ အဲ့ဒီလက်ကျန်စစ်စခန်း၂ ခုကို ဇူလိုင် ၁၃ ရက်မှာစတင်တိုက်ခိုက်ခဲ့တာဖြစ်ပြီး ၅ ရက်ကြာတိုက်ပွဲပြင်းထန်နေဆဲဖြစ်တယ်လို့ သိရပါတယ်။

ဓာတ်ပုံ-Addy Chaiyadech