ထိုင်းနိုင်ငံ မဲ့လမတ်မြို့ထဲကို မြန်မာစစ် တပ်ဘက်က ပစ်လွှတ်လိုက်တဲ့ကာမီကာဇေအသေခံဒရုန်းတစ်စင်း ဒီဇင်ဘာ ၁၉ ရက် ညနေပိုင်းမှာကျရောက်ခဲ့တယ်လို့ ထိုင်းဒေသတွင်း သတင်းရင်းမြစ်တွေ ဆီကနေ သိရပါတယ်။
အဲ့ဒီကျရောက်ခဲ့တဲ့ ဒရုန်းဟာ မဲ့လမတ်မြို့ ရပ်ကွက် ၆ ထဲမှာရှိတဲ့ ကြံခင်းထဲမှာ ကျရောက်နေတာဖြစ်ပြီး၊ ကြံခင်းပိုင်ရှင်က ကျေးရွာလူကြီးထံကို သတင်းပို့ခဲ့ပြီးနောက် ထိုင်းရဲ၊ ထိုင်းစစ်တပ်၊ မြို့လုံခြုံ ရေးနဲ့ EOD တပ်ဖွဲ့တို့က သွားရောက်စစ် ဆေးပြီး ကျွမ်းကျင်သူတွေက ရှင်းလင်းခဲ့တယ်လို့ သိရပါတယ်။
အဲဒီဒရုန်းမှာ တရုတ်စာတွေပါပြီး ဒါဟာ ပြီးခဲ့တဲ့ ရက်အနည်းငယ် အိမ်နီးချင်းနိုင်ငံဘက်ကနေ ကျူးကျော်ရောက်လာတဲ့ ဒရုန်းဖြစ်တယ်လို့ တာဝန်ရှိသူတွေက ကနဦး သုံးသပ်ထားပါတယ်။
မြန်မာ-ထိုင်းနယ်စပ်မှာ စစ်ကောင်စီတပ်ဘက်က ပစ်လွှတ်လိုက်တဲ့ ကာမီကာဇေ မောင်းသူမဲ့ ဒရုန်းတွေဟာ ထိုင်းပိုင်နက်ကို မကြာခဏဆိုသလို ကျရောက်လေ့ရှိပြီး KNU ဌာနချုပ်ကိုလည်း ကျရောက် ပေါက်ကွဲတာတွေရှိသလို ပြီးခဲ့တဲ့ရက် ပိုင်းကတော့ DKBA စစ်ရေးချုပ်အိမ်ကို ကျရောက်ခဲ့တာမျိူတွေရှိခဲ့ပါသေးတယ်။
