၄ ဒီဇင်ဘာ၊ ၂၀၂၄
တရားမဝင် ထိုင်းနိုင်ငံတွင်းဝင်ရောက်လာသူ မြန်မာနိုင်ငံသား ကိုးဦးကို ဖမ်းဆီးရာမှာ သူတို့နဲ့အတူ ကျည်ဆံ ၃၀၀၀ နီးပါးကို နေအိမ်မှာ ရှာဖွေတွေ့ရှိခဲ့တယ်လို့ ထိုင်းရဲတပ်ဖွဲ့က ဒီဇင်ဘာ ၄ ရက်မှာ ပြောဆိုလိုက်ပါတယ်။
ည ၇ နာရီဝန်းကျင်မှာ Muang ခရိုင် Ban Kao-Ban Kao-Ban Kao-Huai Nam Khao လမ်းဘေးမှာ တရားမဝင် ရွှေ့ပြောင်းနေထိုင်သူလို့ သံသယရှိသူအုပ်စုကို ရဲတပ်ဖွဲ့ဝင်တွေက တွေ့ရှိခဲ့ပြီး အထောက်အထားစာရွက်တောင်းဆိုတဲ့အခါ မပြနိုင်တဲ့အတွက် မေးမြန်းစုံစမ်းဖို့ ရဲစခန်းကို ဖမ်းဆီးခေါ်ဆောင်သွားတာ ဖြစ်ပါတယ်။
ရဲတပ်ဖွဲ့ရဲ့ စုံစမ်းစစ်ဆေးမှုအရ သူတို့ဟာ ဖမ်းဆီးခြင်းမခံရခင်မှာ Tambon Ban Kaoက နေအိမ်မှာ တည်းခိုခဲ့တယ်လို့ သိရတဲ့အတွက် ထိုင်းရဲတပ်ဖွဲ့ဝင်တွေက နေအိမ်ကို ရှာဖွေရာမှာ ကျည်ဆန် ၂၇၅၀ ပါရှိတဲ့ ကတ်ထူသေတ္တာလေးလုံးကို တွေ့ရှိခဲ့ပါတယ်။
သံသယရှိသူတွေထဲက ဒန် ဆိုသူက တရားမဝင် ရွှေ့ပြောင်းနေထိုင်သူတွေကို ထိုင်းနိုင်ငံအတွင်း ဝင်ရောက်ဖို့ အကူအညီပေးခဲ့ပြီး သူတို့အား အဖမ်းမခံရအောင် ကူညီမှုနဲ့ တရားမဝင် ခဲယမ်းတွေ လက်ဝယ်ထားရှိမှုနဲ့ ရဲတပ်ဖွဲ့က တရားစွဲဆိုထားပါတယ်။ ကျန် ၈ ဦးကိုတော့ တရားမဝင် ဝင်ရောက်မှုနဲ့ ဖမ်းဆီးအရေးယူတယ်လို့ ထိုင်းရဲတပ်ဖွဲ့က ထုတ်ပြန်ထားပါတယ်။
ပုံစာ – ထိုင်းရဲတပ်ဖွဲ့ဝင်များ၊ ဖမ်းမိသူများနဲ့ သက်သေခံပစ္စည်းများ
Photo – Piyarach Chongcharoen
