Homeပြည်တွင်းသတင်းထိုင်းက မြန်မာတွေ သင်္ကြန်ကာလ မြန်မာပြည်ကိုပြန်တာ သတိထားကြဖို့ အလုပ်သမားအရေး လှုပ်ရှားသူတွေ တိုက်တွန်း

ထိုင်းက မြန်မာတွေ သင်္ကြန်ကာလ မြန်မာပြည်ကိုပြန်တာ သတိထားကြဖို့ အလုပ်သမားအရေး လှုပ်ရှားသူတွေ တိုက်တွန်း

၁၉ မတ်၊ ၂၀၂၅

ထိုင်းရောက် မြန်မာအလုပ်သမားတွေ အနေနဲ့ သင်္ကြန်ကာလမှာ မြန်မာနိုင်ငံကို ပြန်တာ သတိထားကြဖို့ အလုပ်သမားအရေးလှုပ်ရှားသူတွေ က သတိပေးနေကြပါတယ်။

စစ်မှုထမ်း ဥပဒေအသက်သွင်းပြီး ချိန်က စလို့ မြန်မာပြည်တွင်းမှာ လူငယ်တွေကို အတင်းအဓမ္မစစ်မှုထမ်းစေဖို့ စစ်ကောင်စီက လုပ်ဆောင်မှုတွေ ရှိနေပါတယ်။

မြန်မာနိုင်ငံနေရာ အနှံ့မှာလည်း နေ့စဉ် ဧည့်စာရင်းစစ်တာ၊ မင်္သကာရင် ဖမ်းဆီးတာတွေ ပြုလုပ်နေသလို ပြည်ပကို အလုပ်ထွက်လုပ်ဖို့လည်း လေဆိပ်ကနေ ပေးမထွက်တာတွေ ဖြစ်နေပါတယ်။ ဒါကြောင့် မြန်မာပြည်ကို သင်္ကြန်ကာလပြန်တဲ့ အခါ ပြန်ထွက်လို့ မရတာတွေ ဖြစ်နိုင်တယ်လို့ အလုပ်သမားအရေး လှုပ်ရှားသူတွေက ပြောပါတယ်။

“ဒီနှစ်တော့ မြန်မာပြည်ကို မပြန်ကြဖို့ အကြံပြုပါရစေ၊ ပြန်ခဲ့ရင် ထိုင်းကို ပြန်လာဖို့ ခက်သွားမယ်။ မိဘ၊ ဇနီးမယား၊ သားသမီး ဆွေမျိုးများကို အဝေးကနေပဲ ကန်တော့ကြ အလွမ်းဖြေကြပါ။မြန်မာသံရုံးနဲ့ စကစ ဟာ ကျွန်တော်တို့ရဲ့ အလစ်အငိုက် ဟာကွက်ကို စောင့်နေတယ်လို့ ကျွန်တော် ထင်တယ်။သေချာတယ် ထိုင်းကနေ မြန်မာပြည် ပြန်လာကြမယ့် လူငယ်တွေကို ရပ်ထဲ ရွာထဲမှာပဲလာဝင်ဆွဲနိုင် သလို နယ်စပ်ကနေ ထိုင်းထဲပြန်ဝင်ချိန်ကျမှလည်း အချိန်ကိုက် ဆွဲစိပြီး စစ်သားစုဆောင်းရေး တန်းပို့မှာ သေချာပါတယ်။”လို့ အလုပ်သမားအရေးကူညီဆောင်ရွက်ပေးတဲ့ ကိုရဲမင်းက သူ့ရဲ့ လူမှုကွန်ရက် ဖေ့ဘွတ်စာမျက်နှာမှာရေးသားထားပါတယ်။

ဒါပေမယ့် လည်း ဒီနှစ် အင်္ကြန်ကာလမှာ မြန်မာနိုင်ငံကို ပြန်ဖို့ အတွက် လက်မှတ်ဖြတ်ထားသူ အများအပြားရှိနေတယ်လို့ စုံစမ်းသိရပါတယ်။

ပုံစာ – ထိုင်း – မြန်မာချစ်ကြည်ရေး အမှတ် ၁ တံတားမှ ဖြတ်သန်းသွားနေသော မြန်မာ များ

ဓါတ်ပုံ – Reuters

ဆက်စပ် သတင်းများ

Most read