တေးသံရှင် ဂျေညီညီ ကွယ်လွန်သွားပြီဖြစ်တယ်လို့ ညီမဖြစ်သူ ဂျေညီမလေးရဲ့ လူမှုကွန်ရက် စာမျက်နှာမှာ ဖော်ပြထားမှုအရ သိရပါတယ်။
တေးသံရှင် ဂျေညီညီဟာ ဒီကနေ့ မနက် ၄နာရီ ၃၀ မိနစ်အချိန်မှာ ကွယ်လွန်ခဲ့တာဖြစ်တယ်လို့ သိရပြီး ကွယ်လွန်ချိန်မှာ အသက် ၇၂ နှစ်အရွယ်ရှိပြီဖြစ်ပြီး ဇနီးနဲ့ သားဖြစ်သူကျန်ရစ်ခဲ့ တယ်လို့လည်း သိရပါတယ်။
တေးသံရှင် ဂျေညီညီဟာ ၁၉၈၀ ပြည့်နှစ် ဝန်းကျင်က ဂီတလောကမှာ ကိုယ်ပိုင်သံစဉ် သီချင်းအများစုနဲ့ လူသိများခဲ့တဲ့ အဆိုတော်တစ်ဦးဖြစ်ပြီး အလွမ်းကဖီး၊ ဒီမိုး၊ လူပျိုကြီးပဲလုပ်တော့မယ်၊ ပလက်ဖောင်းရှိုး ၊ စွဲနေပြီ၊ အချစ်မိုး သီချင်း တွေဟာ ပရိတ်သတ်အကြားထင်ရှားနေဆဲ သီချင်းတွေဖြစ်ပါတယ်။
ဓာတ်ပုံ – social media
