၂၀၂၄ မေလ ၂၂ ရက်က စခဲ့တဲ့ “Golden Dragon 2024”လို့ နာမည်ပေးထားတဲ့ ကမ္ဘောဒီးယားနဲ့ တရုတ် စစ်ရေးလေ့ကျင့်မှုမှာ တရုတ်စစ်တပ်က အော်တိုမက်တစ်ရိုင်ဖယ်သေနတ်ကို ကျောမှာ တပ်ပြီး ပစ်နိုင်တဲ့ စက်ရုပ်ခွေးတစ်ကောင်ကို ထုတ်ပြခဲ့ပြီး ခေတ်သစ်စစ်ပွဲတွေအတွက် ပြင်ဆင်ထားတာကို လူသိရှင်ကြား ပြသခဲ့ပါတယ်။
” ကျွန်တော်တို့ဟာ မြို့ပြတိုက်ခိုက်ရေးစစ်ဆင်ရေးတွေမှာ တာဝန်ထမ်းမယ့် အဖွဲ့ဝင်အသစ်တွေ ရှိနေပါပြီ ဒီအဖွဲ့ဝင်တွေက ရန်သူကို ထောက်လှမ်းဖော်ထုတ်ပြီး ပစ်မှတ်ကို တိုက်ခိုက်ဖို့ အသင့်ပါ” လို့ တရုတ်စစ်တပ် ပြောရေးဆိုခွင့်ရှိတဲ့ သူတစ်ယောက်က နိုင်ငံပိုင်ရုပ်သံ CCTV ရုပ်သံမှာ ပြောဆိုလိုက်ပါတယ်။
တရုတ်-ကမ္ဘောဒီးယား “Golden Dragon 2024” လေ့ကျင့်ခန်းကာလထဲမှာပဲ အဝေးထိန်းကိရိယာနဲ့ စက်ရုပ်ခွေးကို ထိန်းချုပ်မှုအောက်မှာ လမ်းလျှောက်တာ၊ ခုန်ပေါက်တာ၊ လဲလျောင်းတာတွေအပြင် နောက်ပြန်လှည့်နိုင်တာကိုပါ နှစ်မိနစ်စာ ဗွီဒီယိုနဲ့ လည်း CCTV ကနေ ပြခဲ့ပါတဘ်။
ဗီဒီယိုရဲ့ နောက်ဆုံးအပိုင်းမှာ ဝေဟင်ဒရုန်းမှာ တပ်ဆင်ထားတဲ့ အော်တိုမက်တစ် ရိုင်ဖယ်တစ်လက်ကိုလည်း ပြသခဲ့ပါတယ် လို့သိရပါတယ်။
Ref:CNN
