စလင်းမြို့နယ်၊ဆင်ဖြူကျွန်းတညောင်လမ်းပိုင်းအား စစ်ကောင်စီက စစ်ကြောင်းထိုးဝင်ရောက်မှုအတွင်း ကျပင်းကျေးရွာအုပ်စု ကျပင်းမြောက်ရွာ မှ အရပ်သား (၄) ဦးကို စစ်တပ်မှ လူမဆန်စွာ ညှင်းပမ်းနှိပ်စက် သတ်ဖြတ်ခဲ့တယ်လို့ စလင်းမြို့နယ် ပြည်သူ့အုပ်ချုပ်ရေးအဖွဲ့ရဲ့ထုတ်ပြန်မှုအရ သိရပါတယ်။
ဆင်ဖြူကျွန်းတညောင်လမ်းပိုင်းကို စစ်ကောင်စီက မတ်လ ၇ ရက်နေ့မှ ၁၆ ရက်နေ့အထိ စစ်ကြောင်း ထိုးဝင်ရောက်ခဲ့ပြီးနောက် ကျပင်း(မြောက်)ရွာ အပါအဝင် ရွာ ၂၅ ရွာက ဒေသခံ ၁၇,၀၀၀ ဝန်းကျင် ထွက်ပြေးခဲ့ရတယ်လို့လည်း သိရပါတယ်။
ကျပင်း(မြောက်)ရွာကို စစ်ကြောင်းထိုးဝင်ရောက်မှုအတွင်း စစ်ကောင်စီက အရပ်သား ၄ ဦးကို မတရားဖမ်းဆီး သတ်ဖြတ်ခဲ့ပြီးနောက် ရုပ်အလောင်းတွေကို ကျေးရွာစာသင်ကျောင်းဝန်းအတွင်းရှိ အိမ်သာကျင်း ဟောင်း အတွင်း စွန့်ပစ်ခဲ့တာဖြစ်တယ်လို့လည်း သိရပါတယ်။
ဒေသခံများပြန်ရောက်သည့် မတ်လ ၂၂ ရက်နေ့တွင် အဆိုရုပ်အလောင်းများကိုတွေ့ရှိပြီး အဆိုပါနေ့တွင် ကောင်မွန်စွာသင်္ဂြိုလ်ပေးခဲ့ပြီးဖြစ်တယ်လို့ ထုတ်ပြန်ထားပါတယ်။
ပုံစာ – (မတ်လ ၂၂ ရက်နေ့တွင် ဒေသခံတွေတွေ့ရှိခဲ့သည့် စစ်ကောင်စီစစ်ကြောင်းမှ သတ်ဖြတ်ခဲ့သည့် ကျပင်း(မြောက်) ရွာနေဒေသခံလေးဦး၏ရုပ်အလောင်းများ)
ဓာတ်ပုံ – စလင်းမြို့နယ် ပြည်သူ့အုပ်ချုပ်ရေးအဖွဲ့