တိုင်းရင်းသားလက်နက်ကိုင်တွေနဲ့ PDF တွေ အနေနဲ့ လက်နက်ကိုင်လမ်းစဉ်ကိုစွန့်ပြီး ရွေးကောက်ပွဲလမ်း ကြောင်းကိုရွေးဖို့ စစ်ခေါင်းဆောင်မင်းအောင်လှိုင်က ဒီကနေ့ညပိုင်းမှာ ပြုလုပ်တဲ့ နှစ် ၈၀ ပြည့် တပ်မတော်နေ့ မိန်းခွန်းမှာ ထည့်သွင်းပြောဆိုသွားပါတယ်။
နိုင်ငံရေးပြဿနာကို တွေ့ဆုံဆွေးနွေးရေးနည်းလမ်းနဲ့သာ အဖြေရှာနိုင်မှာဖြစ်တာကြောင့် ငြိမ်းချမ်းရေး ဆွေးနွေးမှုတွေကို အမြဲတမ်းကြိုဆိုလမ်းဖွင့်ထားကြောင်း ထပ်မံ အသိပေးပြောကြားလိုတယ် လို့ စစ်ခေါင်းဆောင်မင်းအောင်လှိုင်က ပြောခဲ့တာပါ။
“PDF အဖွဲ့အစည်းတွေကို နိုင်ငံရေးနည်းနဲ့ဖြေရှင်းဖို့ ဖိတ်ခေါ်ထားပြီးဖြစ်တယ်”လို့ စစ်ခေါင်းဆောင်က ပြော ဆိုခဲ့ပါတယ်။
“နိုင်ငံရေးပြဿနာကို စကားဝိုင်းတွေမှာတွေ့ဆုံဆွေးနွေးအဖြေရှာရမှဖြစ်တာကြောင့် ငြိမ်းချမ်းရေးအတွက် အမြဲတံခါးဖွင့်ထားပါတယ်လို့ ထပ်မံပြောလိုပါတယ်လို့” စစ်ခေါင်းဆောင်ကပြောပါတယ်။
ဒါ့အပြင် စစ်ခေါင်းဆောင်က စစ်တပ်ဟာ အမျိုးသားနိုင်ငံရေးမှာ ဆက်လက်ဦးဆောင်သွားမယ့်အကြောင်းနဲ့ ရွေးကောက်ပွဲအနိုင်ရပါတီကို နိုင်ငံတော်တာဝန်လွှဲပေးမဲ့အကြောင်းပြောထားပြီး ရွေးကောက်ပွဲကိုလည်း လာမည့်ဒီဇင်ဘာတွင် ကျင်းပနိုင်ရေးလုပ်နေတယ်လို့ဆိုပါတယ်။
ဒါပေမယ့်လည်း စစ်ကိုဆက်တိုက်မယ်လို့လည်း စစ်ရှုံးနေတဲ့ စစ်ကောင်စီခေါင်းဆောင်ကပြောခဲ့ပါသေးတယ်။
