၃ မတ် ၊ ၂၀၂၅
ဒေါပုံမှာ စစ်မှုထမ်းစာရင်း လိုက်လံကောက်ယူနေစဉ် ဓာတ်ဆီလောင်းမီးရှို့ခံရတဲ့သုံးဦးအနက် တဦးထပ်မံသေဆုံးခဲ့ပါတယ်။
မတ်လ ၂ရက် ညနေပိုင်းက ဆေးကုသနေစဉ် အမျိုးသမီးကြီးတစ်ဦးထပ်မံသေဆုံးခဲ့ပြီး စုစုပေါင်း သေဆုံးသူနှစ်ဦးရှိလာပြီး ကျန်ရှိနေသူတဦးကလည်း ပြင်းထန်လူနာအနေနဲ့ ဆေးကုသမှုခံယူနေရတယ်လို့ သိရပါတယ်။
“အခုကျန်နေတဲ့တစ်ဦးကလည်း ခြေနေမကောင်းဘူး။ အတွင်းလူနာဆောင်မှာ ကုသနေရတုန်း” ဟု ရပ်ကွက်အတွင်းနေထိုင်သူတဦးက New Day Myanmar ကို ပြောပါတယ်။
ပြီးခဲ့တဲ့ ဖေဖော်ဝါရီလ ၁၂ ရက် မွန်းလွဲပိုင်းက ဒေါပုံမြို့နယ်၊ ကြည်စုရပ်ကွက်၊ ဓမ္မရိပ်သာလမ်းရှိနေအိမ်တွေကို မဲစာရင်းအတွက်ဟုဆိုကာ သန်းခေါင်စာရင်းကောက်ယူနေတဲ့ ရပ်ကွက်ရာအိမ်မှူး၊ ဆယ်အိမ်မှူးနဲ့ အမျိုးသမီးတဦးတို့ကို ရပ်ကွက်အတွင်းနေထိုင်သူတဦးက ဓာတ်ဆီလောင်းမီးရှို့ခဲ့တာဖြစ်ပါတယ်။
လက်ရှိအချိန်ထိ ဓာတ်ဆီလောင်းမီးရှို့ခဲ့သူကတော့ လွတ်မြောက်နေဆဲဖြစ်ပါတယ်။