စစ်တပ်ကို ထောက်ခံတဲ့ အမျိုးသားရေးလှုပ်ရှားသူ ဦးမင်းဆွေ ခေါ် ငါးမင်းဆွေကို အင်းစိန်ထောင်တွင်း တရားရုံးက မတ်လ ၂၅ ရက်နေ့မှာ ပုဒ်မ ၅၀၅ – က နဲ့ အလုပ်ကြမ်းနဲ့ထောင်ဒဏ် ၃ နှစ်ချမှတ်လိုက်တယ်လို့ တရားရုံံံံံံးနဲ့ပနဲ့ပတ်သက်တဲ့ အသိုင်းအ၀ိုင်းက စုံစမ်းသိရပါတယ်။
စစ်ခေါင်းဆောင် မင်းအောင်လှိုင်ကို သရော်ခဲ့စာရေးခဲ့တဲ့ ငါးမင်းဆွေကို နိုင်ငံတော်တည်ငြိမ်အေးချမ်းရေး ပျက်ပြားစေမှုနဲ့ဖမ်းဆီးအမှုဖွင့်ခဲ့တယ်လို့ စစ်ကောင်စီက ၂၀၂၄ ခုနှစ်၊နိုဝင်ဘာလ ၁၀ ရက်နေ့က သတင်းထုတ် ပြန်ထားပါတယ်။
၂၀၂၄ ခုနှစ် အောက်တိုဘာလ ၂၇ ရက်နေ့က ငါးမင်းဆွေ Facebook အကောင့်ပိုင်ရှင်ဖြစ်သူ မွန်ပြည်နယ်၊ ကျိုက်ထိုမြို့နယ်၊ ဖက္ကလိပ်ကျေးရွာနေ ငါးမင်းဆွေ(ခ) ဦးမင်းဆွေကို နိုင်ငံတော်တည်ငြိမ်အေးချမ်းရေး ပျက်ပြားစေရန် ရည်ရွယ်ကာ လူမှုကွန်ရက်စာမျက်နှာပေါ်တွင် လှုံ့ဆော်ခြင်း၊ ဝါဒဖြန့်ခြင်းများပြုလုပ်တာကြောင့် နိုဝင်ဘာလ ၁၀ ရက်နေ့ နံနက် ၁၁ နာရီ ၂၀ မိနစ်အချိန် လှိုင်မြို့မရဲစခန်းမှာ ဖမ်းဆီးထိန်းသိမ်း အမှုဖွင့်လှစ်အရေးယူဆောင်ထားတယ်လို့ စစ်ကောင်စီက ဆိုထားပါတယ်။
ငါးမင်းဆွေ(ခ)ဦးမင်းဆွေဆိုသူဟာ အဖမ်းမခံရမီ သူ့ရဲ့လူမှုကွန်ရက်စာမျက်နှာမှာ “ချစ်လှစွာသော မြန်မာများ အေး ချမ်းကြပါစေ၊ ကျွန်တော် ငါးမင်းဆွေပါ၊ PDF များနှင့်တွေ့ဆုံညှိနှိုင်းပြီး တစ်နိုင်ငံလုံး ငြိမ်းချမ်းစေရမည်၊ ပုံ/ဗိုလ်ချုပ်မှူးကြီး ငါးမင်းဆွေ” လို့ ရေးသားခဲ့တဲ့အပြင် “စစ်ဗိုလ်ချုပ်မှူးကြီးတဲ့ သူ့လက်ထက်အောင် ပွဲရတဲ့စစ်ပွဲ တစ်ပွဲမှ မရှိဘူး” “အစ် ကိုလှိုင်က နိုင်ငံအတွက် ဝင်ငွေ ဘက်ဂျက်တိုးအောင် စီးပွားရေးတော့လုပ်တတ်ပါတယ်။ တစ်သောင်းတန်တွေရိုက်ထုတ်ပြီးတော့” “ကိုရည်မွန်က တဖြည်းဖြည်းနဲ့ နေပြည်တော်ကို ရောက်လာတော့မယ် အစ်ကိုလှိုင်”၊ “အစ်ကိုလှိုင်က တရုတ်က ပြန် လာရင်တော့ တစ်ကယ်ကြမ်းတော့မှာလို့ ယူဆမိပါတယ် ” စတဲ့ ပို့စ်များကို ရေးသားဖော်ပြထားတာတွေ့ရပါတယ်။
ဓါတ်ပုံ – ငါးမင်းဆွေ Facebook
