၂၇ နိုဝင်ဘာ ၊ ၂၀၂၄
မြန်မာနဲ့ ဘင်္ဂလားဒေ့ရှ်အခြေအနေတွေနဲ့ ပတ်သက်ပြီး နိုင်ငံတကာရာဇဝတ်ခုံရုံး (ICC) ရှေ့နေချုပ် Karim A.A. Khan KC က မြန်မာစစ်တပ်ခေါင်းဆောင် မင်းအောင်လှိုင်ကို ဖမ်း၀ရမ်းထုတ်ဖို့အတွက် နိုင်ငံတကာ ရာဇဝတ်ခုံရုံးကိုလျောက်ထားလိုက်ပြီဖြစ်ပါတယ်။
စစ်ခေါင်းဆောင် မင်းအောင်လှိုင်ဦးဆောင်တဲ့ စစ်တပ်ဟာ လူသားမျိုးနွယ်အပေါ် ကျူးလွန်သည့် ရာဇဝတ် မှုများအတွက် ရာဇဝတ်မှုကျူးလွန်သည်ဟု ICC တရားရုံးက ဆုံးဖြတ်ကောက် ချက်ချခဲ့တာကြောင့် ခုလို ဖမ်း၀ရမ်းထုတ်ဖို့ လျောက်ထားခဲ့တာဖြစ်တယ်လို့ ဆိုပါတယ်။
နိုဝင်ဘာ ၂၇ ရက်မှာ ကြေညာတဲ့ ကြေညာချက်မှာတော့ ရခိုင်ပြည်နယ်အတွင်း ရိုဟင်ဂျာတွေကို အကြမ်းဖက်သတ်ဖြတ်မှုတွေ၊ ဘင်္ဂလားဒေ့ရှ်ကို အတင်အဓမ္မရွေ့ပြောင်းစေတဲ့ ဖြစ်ရပ်တွေနဲ့ပက်ပြီး ၂၀၁၉ ခုနှစ် နိုဝင်ဘာလ ၁၄ ရက်နေ့မှ စတင်ပြီး စုံစမ်းစစ်ဆေးခဲ့တယ်လို့ သိရပါတယ်။
ဖမ်းဝရမ်းထုတ်ဖို့ လျှောက်ထားရာမှာ သက်သေအများ အပြား၊ စာရွက်စာတမ်းအထောက်အထားတွေနဲ့ စစ်မှန်သောသိပ္ပံ နည်းကျ၊ ဓာတ်ပုံနဲ့ ဗီဒီယိုပစ္စည်းတွေ အပါအဝင် သက်သေထွက်ဆိုချက်တွေ ပါဝင်တယ်လို့ သိရပါတယ်။
ဒါဟာ မြန်မာနိုင်ငံက အဆင့်မြင့် အရာရှိ တယောက်ကို ဖမ်း၀ရမ်းထုတ်ဖို့ ပထမဆုံးသော လျောက်ထားချက်ဖြစ်တယ်လို့ လည်းသိရပါတယ်။
