စစ်ကော်မရှင်က နိုင်ငံခြားသားအကျဉ်း သားတွေအပြင် အကျဉ်းသား ၆၀၀၀ ကျော်ကို ဒီကနေ့ ဒီဇင်ဘာ ၄ရက် (လွတ် လပ်ရေးနေ့)မှာ လွတ်ငြိမ်းသက်သာခွင့်ပေးလိုက်တယ်လို့ ကာကွယ်ရေးနဲ့ လုံ ခြုံရေးကောင်စီက သတင်းထုတ်ပြန်ထားပါတယ်။
အဲဒီထဲမှာ အကျဥ်းကျခံနေရတဲ့ နိုင်ငံ ခြားသား ၅၂ ဦးလည်းပါဝင်ပြီး သူတို့ကိုပြည်နှင်ဒဏ်ပေးလိုက်တယ်လို့ ဆိုပါတယ်။
ဒါ့အပြင် အကျဥ်းထောင်၊ အကျဥ်းစခန်းတွေမှာ ပြစ်ဒဏ်ချခံနေရသူတွေကိုလည်း ပြစ်ဒဏ် ၆ ပုံ ၁ ပုံအထိ လျှော့ပေါ့ ပေးလိုက်တယ်လို့ ထုတ်ပြန်ချက်မှာ ဖော် ပြထားပါတယ်။
“အကျဉ်းသားအားလုံး ဆယ်နာရီကျော်မှာပြန်လွှတ်ပေးလိုပါတယ်။ အားလုံးထွက်သွားကြလို့ပြန်ကုန်ပါပြီ၊ နိုင်ငံရေး သမားဘယ်သူတွေပါသလဲဆိုတာတော့ မသိရသေပါဘူး”လို့ အင်းစိန်မြိူ့နယ်နေသူတစ်ဦးက New Day Myanmar ကိုပြောပါတယ်။
ဒီကနေ့မနက်ပိုင်းမှာ ရန်ကုန်မြို့ အင်းစိန်အကျဥ်းထောင်ရှေ့မှာလွတ်ငြိမ်းချမ်းသာခွင့်မှာ ပါလာနိုင်တဲ့ အကျဉ်းကျနေသူတွေရဲ့ မိသားစုတွေက ထောင်ရှေ့မှာ စောင့်ဆိုင်းခဲ့ကြပါတယ်။
ဓာတ်ပုံ- BBC
