၁ မတ်၊ ၂၀၂၅
စစ်ကောင်စီရဲ့ လေကြောင်းတိုက်ခိုက်မှုအပါအဝင် သတ်ဖြတ်မှုတွေကြာင့် ၂၀၂၅ ခုနှစ်ရဲ့ ဇန်နဝါရီ နဲ့ ဖေဖော်ဝါရီ နှစ်လတာအတွင်းမှာ မှုကြောင့် ပြည်သူ ၂၁၉ ဦးသေဆုံးခဲ့တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) ရဲ့ ကောက်ယူထားတဲ့ အချက်အလက် တွေအရ သိရပါတယ်။
ဇန်နဝါရီလအတွင်းမှာ လေကြောင်းတိုက်ခိုက်မှုကြောင့် သေဆုံးရသူ အရေအတွက်က ၈၁ ဦး ရှိထားပြီး ဖေဖော်ဝါရီလမှာ ၇၈ ဦး ဖြစ်တာကြောင့် စုစုပေါင်း ၁၅၉ ဦး ရှိပါတယ်။
ဖေဖော်ဝါရီ ၁ ရက်ကနေ ၂၈ ရက်အထိ တစ်လတာအတွင်းမှာ နိုင်ငံတဝန်းက ပြည်သူ ၁၀၆ ဦးအထိ သေဆုံးခဲ့ရတာဖြစ်ပြီး အမျိုးသမီး ၅၃ ဦး နဲ့ အမျိုးသား ၅၃ ဦး တို့ဖြစ်တယ်ဆိုတာနဲ့ သေဆုံးသူတွေကို အမည်နဲ့တကွ မှတ်တမ်းတင်ထားနိုင်တယ်လို့ AAPP က ပြောပါတယ်။
အဲ့ဒီ သေဆုံးသူ အရေအတွက်ထဲမှာ အသက် ၁၈ နှစ်အောက် ကလေးငယ် ၁၆ ဦးအထိ ပါဝင်နေတယ်လို့ လည်း သိရပါတယ်။ သေဆုံးသူတွေထဲမှာ မကွေးတိုင်းအတွင်းက သေဆုံးမှုအများဆုံး ဖြစ်ခဲ့ရပြီးတော့ စစ်ကိုင်းတိုင်းက ဒုတိယ များဆုံးဖြစ်ခဲ့ရပါတယ်။
အခုဖော်ပြထားတဲ့ အချက်အလက်တွေက ကောက်ယူရရှိထားတဲ့ စာရင်းတွေသာဖြစ်ပြီး မြေပြင်မှာ ဖြစ်ပွားနေတဲ့အချက်အလက်တွေက အခုထက်ပိုမိုများပြားနိုင်တယ်လို့လည်း AAPP က အသိပေးထား ပါတယ်။
ပုံစာ – စစ်ကိုင်းတိုင်း ခမ်းပတ်မြို့ကို ဗုံးကြဲပြီးနောက်မြင်ကွင်း (ပုံဟောင်း)
ဓာတ်ပုံ – CJ
