စစ်ကောင်စီတပ်ဟာ နိုင်ငံတော်အဆင့် ဝမ်းနည်းခြင်းအထိမ်းအမှတ်နေ့ရက် သတ်မှတ်ကြေညာပေမယ့် ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်တဲ့ နောင်ချိုမြို့နယ်၊တောင်လှရွာနဲ့ ဂေါ်ရခါးရွာကို ဒရုန်း၊ ဂျတ်ဖိုက်တာတို့ နဲ့ ဗုံးကြဲတိုက်ခိုက်ခဲ့တယ်လို့ သိရပါတယ်။
ဧပြီလ (၁)ရက် မနက် (၁၁)နာရီ၀န်းကျင်မှာ စစ်ကောင်စီတပ်က အုမ္မတီ-ဆမ္မကျေးရွာကြားက တောင်လှရွာနဲ့ ဂေါ်ရခါးရွာကို ဒရုန်းနဲ့ (၁)ကြိမ်၊ ဂျတ်ဖိုက်တာနဲ့ (၁)ကြိမ် လာရောက်ကြဲချတိုက်ခိုက်ခဲ့လို့ ဒေသခံပြည်သူ (၅)ဦး ထိခိုက်ဒဏ်ရာရရှိခဲ့ပြီး နေအိမ်(၂)လုံး ဗုံးစထိမှန်ပျက်စီးခဲ့တယ်လို့ TNLA က သတင်းထုတ်ပြန်ပါတယ်။
ဒါ့အပြင် ပြီးခဲ့တဲ့ မတ်လ ၃၁ရက်ကလည်း စစ်ကောင်စီတပ်မှ (၁၂၀)မမ ဗုံးသီးသယ်ဆောင်လာတဲ့ ဒရုန်းနဲ့ နောင်ချိုမြိုနယ်၊ ကျောက်ကြမ်းကျေးရွာကို လာရောက်ကြဲချတိုက်ခိုက်ခဲ့တယ်လို့ သိရပါတယ်။
ဓါတ်ပုံ – TNLA
