ဒီနေ့ ဧပြီ ၁ ရက်နေ့ နေ့လည် ၁၁ နာရီခန့်က ကွတ်ခိုင်မြို့လယ် ပြည်ထောင်စုကားလမ်းမပေါ်မှာတအာင်းပြည် ရဲတပ်ဖွဲ့ဝင်တွေ နဲ့ ကိုးကန့်တပ်ဖွဲ့ဝင်တွေအကြား အချင်းများခဲ့တဲ့ ဖြစ်စဉ်နဲ့ပတ််််််သက်ပြီး နှစ်ဖက် ပြေလည်မှုရရှိပြီဖြစ်တယ်လို့ TNLA က သတင်းထုတ်ပြန်ပါတယ်။
မဟာမိတ်ကိုးကန့်တပ်ဖွဲ့ဝင်တွေဟာအင်အားအလုံးအရင်းနဲ့ ပြည်ထောင်စုကားလမ်းမကို ပိတ်ဆို့ပြီး ဖြတ်သန်းသွားလာတဲ့ ကားတွေကို ရပ်တန့်စေပြီး အလှူငွေများကောက်ခံရာ တအာင်းပြည်ရဲတပ်ဖွဲ့ ယာဉ်ထိန်းဌာန တာဝန်ရှိသူတဦးက PSLF/TNLA လူကြီးခရီးစဉ်ရှိတာကြောင့် ခေတ္တလမ်းဖွင့်ပေးဖို့ သွားရောက်ညှိနှိုင်းပြောဆိုရာက ဘာသာစကား မပေါက်တဲ့ အတွက် နှစ်ဖက်တပ်ဖွဲ့တွေအကြား အငြင်းအခုံဖြစ်ခဲ့တာလို့ သတင်းထုတ်ပြန်ချက်မှာ ဖော်ပြပါတယ်။
အဲ့ဒီနောက် နှစ်ဖက်တာဝန်ရှိသူတွေက ညှိနှိုင်းဖြေရှင်းရာ ပြေလည်မှုရရှိပြီးဖြစ်တယ်လို့ သိရပါတယ်။
