Homeပြည်တွင်းသတင်းငလျင်ဘေးသင့်ပြည်သူတွေအတွက် တရုတ်ကြက်ခြေနီအသင်းကပေးပို့တဲ့ ထောက်ပံ့ရေးယာဉ်တန်းကို စစ်ကောင်စီပစ်ခတ်

ငလျင်ဘေးသင့်ပြည်သူတွေအတွက် တရုတ်ကြက်ခြေနီအသင်းကပေးပို့တဲ့ ထောက်ပံ့ရေးယာဉ်တန်းကို စစ်ကောင်စီပစ်ခတ်

ဧပြီ၊ ၂၀၂၅

တရုတ်နိုင်ငံကြက်ခြေနီအသင်းက မြန်မာနိုင်ငံ ငလျင်ဘေးသင့်ပြည်သူတွေအတွက် ပေးပို့တဲ့ ထောက်ပံ့ရေးပစ္စည်းယာဉ်တန်း(၉)စီးကို စစ်ကောင်စီတပ်ဖွဲ့တွေက စက်လတ်သေနတ်နဲ့ပစ်ခတ်တယ်လို့ PSLF/TNLA က ဆိုပါတယ်။

ဧပြီလ ၁ ရက်နေ့ ည(၉း၂၁)နာရီအချိန်မှာ တရုတ်နိုင်ငံကြက်ခြေနီအသင်းက မြန်မာနိုင်ငံ ငလျင်ဘေးသင့်ပြည်သူတွေအတွက် ပေးပို့တဲ့ ထောက်ပံ့ရေးပစ္စည်းတွေသယ်ဆောင်လာတဲ့ ယာဉ်တန်း(၉)စီးဟာ မန္တလေးမြို့ကို အသွား နောင်ချိုမြိုနယ် အုမ္မတီးကျေးရွာမှာ စစ်ကောင်စီ ပစ်ခတ်တာကို ခံခဲ့ရပါတယ်။ ထောက်ပံ့ရေးယာဉ်တန်းတွေ မန္တလေးမြို့ကို ခရီးဆက်သွားမယ့်အကြောင်း စစ်ကောင်စီကို သတင်းပေးပို့ထားပေမယ့် လမ်းခရီးမှာ အသင့်စောင့်ဆိုင်းပစ်ခတ်တာ ကြုံရပြီး နောင်ချိုမြို့ကို ပြန်လည်ဆုတ်ခွာလာရတယ်လို့ TNLA က ဆိုထားပါတယ်။

ဒီယာဉ်တန်း ၉ စီးကို TNLA တပ်ဖွဲ့ဝင်တွေက ကာကွယ်ပေးထားပြီး မန္တလေးကို ဆက်လက်ပို့ဆောင်ပေးမယ်လို့ သိရပါတယ်။

ဓာတ်ပုံ – TNLA

ဆက်စပ် သတင်းများ

Most read