Homeပြည်တွင်းသတင်းငလျင်ဘေးသင့်နေအချိန် ပျော်ပွဲရွှင်ပွဲမပါတဲ့ ရိုးရာသင်္ကြန်ပွဲဆက်လုပ်မယ်လို့ စစ်ကောင်စီ ကြေညာ

ငလျင်ဘေးသင့်နေအချိန် ပျော်ပွဲရွှင်ပွဲမပါတဲ့ ရိုးရာသင်္ကြန်ပွဲဆက်လုပ်မယ်လို့ စစ်ကောင်စီ ကြေညာ

ဧပြီ ၊ ၂၀၂၅

လက်တလောမြန်မာနိုင်ငံမှာ ငလျင်ဘေးသင့်ပြီး ပြည်သူများ အတိဒုက္ခရောက်နေပေမယ့် စစ်ကောင်စီကတော့ ရိုးရာ သင်္ကြန်ပွဲကို ဆက်လက်ပြုသွားမယ်လို့ စစ်ကောင်စီလက်အောက်ခံ ပြန်ကြားရေးဝန်ကြီးဌာနက ဒီနေ့ ညပိုင်းမှာ ကြေညာထားပါတယ်။

စစ်ကောင်စီ ထိန်းချုပ်ထားတဲ့ နိုင်ငံပိုင်သတင်းဌာနတွေမှာဖော်ပြမှုအရ ငလျင်ဘေးသင့် ဒေသတွေမှာ ထိခိုက် သေဆုံးမှုတွေရှိနေတာကြောင့် ဝမ်းနည်းကြေကွဲနေရ၍ ပျော်ပွဲရွှင်ပွဲမပါတဲ့ ရိုးရာသင်္ကြန်ပွဲပြုလုပ်မယ်လို့ ကြေ ညာထားသလို တစ်နိုင်ငံလုံး ဝမ်းနည်းကြေကွဲနေရတဲ့ ကာလဖြစ်တာကြောင့် ယခုနှစ် မြန်မာ့ရိုးရာသင်္ကြန်ကို အပျော်အပါး သီဆိုကခုန်မှုတွေ မပါဝင်ဘဲ ရိုးရာယဥ်ကျေးမှုနဲ့အညီ အေးချမ်းသာယာသောသင်္ကြန်အဖြစ် ကျင်းပသွားမည်ဖြစ်တယ်လို့လည်း ဆိုထားပါတယ်။

စစ်ကောင်စီက သင်္ကြန်ပွဲတော်ကို ဆက်လက်ကျင်းပမည်ဟု ကြေညာထားပေမယ့် တိုင်းရင်းသာလက်နက်ကိုင် တပ်ဖွဲ့တစ်ခုဖြစ်တဲ့ ကိုးကန့်တပ် MNDAA ကမတော့ ငလျင်ဘေးသင့်ခဲ့တဲ့ပြည်သူတွေကို စာနာသောအားဖြင့် ယခုနှစ် သင်္ကြန်ပွဲတော်ကို မကျင်းပတော့ကြောင်း မတ် ၂၉ရက်က ကြေညာခဲ့ပြီး လားရှိုးမြို့မှာ ဆောက်လုပ်ခဲ့ သင်္ကြန်မဏ္ဍပ်တွေကိုလည်း ဖျက်သိမ်းခဲ့ပါတယ်။

ဆက်လက်ပြီး မိုင်းလားတပ် (NDAA) ထိန်းချုပ်ထားတဲ့ ရှမ်းပြည်နယ်အရှေ့ပိုင်း၊ အထူးဒေသ ၄မှာ ပြုလုပ်မယ့် သင်္ကြန်ပွဲတော်ကို ဖျက်သိမ်းလိုက်တယ်လို့ မတ် ၃၁ရက်တွင် ထုတ်ပြန်အသိပေးထာပါတယ်။

ဓာတ်ပုံ -NDM

ဆက်စပ် သတင်းများ

Most read