လက်ရှိငလျင်ဘေးကြောင့် ကယ်ဆယ်ရေးလုပ်ငန်းတွေဆောင်ရွက်နိုင်ဖို့ NUG အပါဝင် တိုင်းရင်း သား လက်နက် ကိုင်တပ်ဖွဲ့တစ်ချို့ ယာယီအပစ်အခက်ရပ်စဲကြောင်း ကြေညာထားပေမယ့် စစ်ခေါင်းဆောင်မင်းအောင်လှိုင်က အဆိုပါအဖွဲ့တွေကို ဆက်လက်တိုက်ခိုက်သွားမယ်လို့ ပြောဆိုလိုက်ပါတယ်။
ဒီနေ့ နေပြည်တော်မှာပြုလုပ်တဲ့ ငလျင်ဘေးသင့်ဒေသတွေနဲ့ပတ်သက်ပြီး အလှူငွေပေးအပ်လှူဒါန်းပွဲမှာ အပစ် ရပ်ကြေညာချက်တွေအပေါ် စစ်ခေါင်းဆောင်က ယခုလိုတုံ့ပြန်ခဲ့ခြင်းဖြစ်ပြီး တိုင်းရင်းသား လက်နက်ကိုင်အဖွဲ့ တွေအနေနဲ့ လက်ရှိမှာ တိုက်ပွဲဖော်ဆောင်ခြင်းမရှိပေမယ့် တိုက်ခိုက်မှုတွေလုပ်ဖို့ စုဖွဲ့ခြင်း၊ လေ့ကျင့်ပြင် ဆင် ခြင်းတွေလုပ်ဆောင်နေတာကကို သိရှိထားတယ်လို့ စစ်ခေါင်းဆောင်က ပြောဆိုထားပါတယ်။
အမျိုးသားညီညွတ်ရေးအစိုးရ(NUG)က ခုခံကာကွယ်စစ်မှလွဲပြီး ထိုးစစ်အားလုံး မတ်လ ၃၀ မှ ဧပြီ ၁၂ အထိ ရပ်ဆိုင်းတယ်လို့ မတ်လ ၂၉ ရက်နေ့ ကြေညာထားပြီး AA ၊ MNDAA နဲ့ TNLA ညီနောင်မဟာမိတ်သုံးဖွဲ့ ကလည်း လက်ရှိတိုက်ပွဲဖြစ်ပွားနေတဲ့ နေရာတွေမှာ ခုခံကာကွယ်စစ်ကလွဲပြီး တစ်လုံး အပစ်ရပ်ထားမယ်လို့ ဒီနေ့မှာ ထုတ်ပြန်အသိးထားပါတယ်။
စစ်ကောင်စီကတော့ လက်ရှိငလျင်လှုပ်ခတ်မှုကြောင့် အပျက်အစီးအဆုံးအရှုံးကြီးမားပြီး လူသေဆုံးမှုတွေ များပြားနေတဲ့ကာလမှာ လေကြောင်းတိုက်ခိုက်မှုတွေ ဆက်လက်လုပ်ဆောင်နေဆဲဖြစ်ပါတယ်။
ဓာတ်ပုံ – ASIA TIMES
