ယမန်နေ့ မတ်လ(၂၈)ရက်နေ့တွင် လှုပ်ခတ်ခဲ့တဲ့ ငလျင်ဒဏ်ကြောင့် အကျဉ်းထောင်တွေရှိ အကျဥိးသားတွေ ထိခိုက်မှုရှိမရှိစုံစမ်းရာမှာ အကျဉ်းထောင် (၁၀)ခုက အကျဉ်းသားတွေ ထိခိုက်မှုမရှိခဲ့ဘူးလို့ မြန်မာနိုင်ငံလုံး ဆိုင်ရာနိုင်ငံရေးအကျဉ်းသားများကွန်ရက်(PPNM) အသိပေးထုတ်ပြန်ပါတယ်။
PPNM ကစုံစမ်းထားမှုအရ ထိခိုက်မှုမရှိခဲ့တဲ့ အကျဥ်းထောင်တွေမှာ ဒိုက်ဦးထောင် ၊ညောင်ဦး ထောင်၊ ပုသိမ်ထောင် ၊မိတ္ထီလာထောင်၊သာယာဝတီထောင် ၊အင်းစိန်ထောင်၊သရက်ထောင် ၊မအူပင်ထောင်၊ တောင်ငူ ထောင်၊ ကလေးထောင် ထောင်တွေက နိုင်ငံရေး အကျဉ်းသား၊အကျဉ်းသူများအပါအဝင် အကျဉ်းသားအားလုံး ထိခိုက်မှုမရှိကြောင်း ကနဦးသတင်းတွေအရ သိရတယ်လို့ဆိုပါတယ်။
သို့ရာတွင် မန္တလေးအိုးဘိုအကျဉ်းထောင် အဆောင်ပြိုကျမှုရှိကြောင်း ကနဦးသတင်းတွေအရသိရှိထားရပြီး ထိခိုက်သေဆုံးစာရင်းကို သတင်းအမှောင်ချခံထားရမှုကြောင့် အသိအကျသိရှိရန် ခက်ခဲနေကြောင်းနဲ့ ငလျင် ဗဟိုပြုလုပ်ခတ်ခဲ့တဲ့ မန္တလေးအိုးဘိုအကျဉ်းထောင်အပါအဝင် မန္တလေးတိုင်းအတွင်းရှိ ထောင်တွေနဲ့ စစ်ကိုင်းတိုင်းအတွင်းရှိ အကျဉ်းထောင်တွေရဲ့ အခြေအနေတွေကို စုံစမ်းပြီး အချိန်နှင့်တပြေးညီ ထုတ် ပြန်သွားမယ်လို့လည်း အသိပေးထားပါတယ်။
ဓာတ်ပုံ- PPNM
