ဒိန်းမတ်ရဲ့ ကိုယ်ပိုင်အုပ်ချုပ်ခွင့်ရ နယ်မြေတစ်ခုဖြစ်တဲ့ ဂရင်းလန်းကျွန်းကို သိမ်းယူမယ်ဆိုတဲ့ အမေရိကန်ရဲ့ အစီအစဉ်အပေါ် ဒေသခံပြည်သူတွေနဲ့ အတူ ဥရောပနိုင်ငံ ၈ နိုင်ငံက ပူးပေါင်းပြီး ပြင်းထန်စွာ ဆန့်ကျင်ကန့်ကွက်ခဲ့ကြပါတယ်။
ဆန္ဒပြသူများက “ဂရင်းလန်းဟာ ရောင်းရန်မဟုတ်” ဆိုတဲ့ ကြွေးကြော်သံတွေနဲ့အတူ အမေရိကန်သမ္မတဟောင်း ဒေါ်နယ်ထရမ့်ရဲ့ဂရင်းလန်းဝယ်ယူရန် ကြိုးပမ်းမှုကို ကန့်ကွက်ခဲ့ကြပါတယ်။ အဆိုပါ ကန့်ကွက်မှုမှာ ဒိန်းမတ်၊ နော်ဝေး၊ ဆွီဒင်၊ ပြင်သစ်၊ ဂျာမနီ၊ ယူနိုက်တက်ကင်းဒမ်း၊ နယ်သာလန်နှင့် ဖင်လန်နိုင်ငံတွေ ပါဝင်ခဲ့ကြပါတယ်။
အမေရိကန်ဘက်က အဲ့ဒီနိုင်ငံတွေကို ဥရောပသွင်းကုန်တွေအပေါ် အခွန်တိုးမြှင့်ကောက်ခံမယ်လို့ ခြိမ်းခြောက်ခဲ့တာကြောင့် အမေရိကန်–ဥရောပ ဆက်ဆံရေးက ပိုမိုတင်းမာလာခဲ့ပါတယ်။
အခွန်တိုးမြှင့်မှုကို အဆင့်နှစ်ဆင့်ဖြင့် အကောင်အထည်ဖော်ဖို့ စီစဉ်ထားပြီး ဖေဖော်ဝါရီ ၁ ရက်မှစပြီး ၁၀ ရာခိုင်နှုန်း၊ ဇွန်လ ၁ ရက်မှာတော့ ၂၅ ရာခိုင်နှုန်းအထိ တိုးမြှင့်ကောက်ခံမယ်လို့ ကြေညာထားပါတယ်။
ဒီအခြေအနေကို တုံ့ပြန်ဖို့ ဥရောပသမဂ္ဂ (EU) ခေါင်းဆောင်တွေက ဘရပ်ဆဲလ်မြို့မှာ အရေးပေါ်အစည်းအဝေး ခေါ်ယူခဲ့ပြီး အမေရိကန်ရဲ့အခွန်ခြိမ်းခြောက်မှုတွေကို တုံ့ပြန်နိုင််််ဖ ဒေါ်လာဘီလီယံ ၁၀၀ ကျော်တန်ဖိုးရှိတဲ့ အခွန်တုံ့ပြန်ရေးအစီအစဉ်တွေကို ဆွေးနွေးခဲ့ကြပါတယ်။
ကျွမ်းကျင်သူတွေ အဆိုအရ ဒီလိုတင်းမာမှုများဟာ နေတိုး (NATO) မဟာမိတ်နိုင်ငံများကြား ယုံကြည်မှုကို လျော့နည်းစေပြီး အာတိတ်ဒေသရဲ့ လုံခြုံရေးနဲ့ တည်ငြိမ်ရေးကိုပါ ထိခိုက်စေနိုင်ကြောင်း သတိပေးထားပါတယ်။
အမေရိကန်အတွက် ဂရင်းလန်းကျွန်းသည် စစ်ရေးဗျူဟာအရသာမက သဘာဝသယံဇာတအရပါ အရေးပါသော နေရာတစ်ခုဖြစ်နေပြီး အဲ့ဒီအချက်ကလည်း သိမ်းယူလိုတဲ့ အကြောင်းရင်းတရပ်အဖြစ် ဖော်ပြခံထားရပါတယ်။
ဒီကိစ္စဟာ နိုင်ငံတကာဆက်ဆံရေးနဲ့ စီးပွားရေးနယ်ပယ်မှာ အရေးပါတဲ့သတင်းအဖြစ် ဆက်လက် ဂယက်ရိုက်ခတ်နေပြီး အမေရိကန်–ဥရောပသမဂ္ဂ ဆက်ဆံရေးအပေါ် အပြောင်းအလဲများ ဖြစ်ပေါ်လာနိုင်တာကြောင့် နောက်ဆက်တွဲအခြေအနေကို စောင့်ကြည့်နေကြပါတယ်။
ဓါတ်ပုံ – AFP
