၁ မတ်၊ ၂၀၂၅
စစ်ကိုင်းတိုင်း၊ မုံရွာခရိုင်၊ ချောင်းဦးမြို့နယ်၊ ချောင်းမရွာနှင့် နွယ်ခွေရွာကို စစ်ကောင်စီတပ်က လေကြောင်း၊ ကုန်းကြောင်းနဲ့ တိုက်ခိုက်လို့ ကလေးငယ် ၃ ဦးအပါအဝင် ပြည်သူ ၁၁ ဦးသေဆုံးခဲ့ပြီး ၁၁ ဦး ထိခိုက််််ဒဏ်ရာ ရရှိခဲ့တယ်လို့ NUG လူ့အခွင့်အရေးဆိုင်ရာဝန်ကြီးဌာနက သတင်းထုတ်ပြန်ပါတယ်။
ဖေဖော်ဝါရီလ ၂၅ ရက်က ချောင်းဦးမြို့နယ်၊ ချောင်းမရွာနဲ့ နွယ်ခွေရွာကို စစ်တပ်က လက်နက်ကြီးနဲ့ ပစ်ခတ်တာအပြင် လေကြောင်း၊ ကုန်းကြောင်းတို့ကနေ တိုက်ခိုက်ခဲ့တာဖြစ်ပါတယ်။
အဲ့ဒီတိုက်ခိုက်မှုကြောင့် လူတွေ သေဆုံး ဒဏ်ရာ ရခဲ့သလို နေအိမ်(၉)လုံး ထိခိုက်ပျက်စီးခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
လူ့အခွင့်အရေးဆိုင်ရာဝန်ကြီးဌာနက စစ်တပ်ရဲ့ ကျူးလွန်မှုတွေကို အပြစ်ပေး အရေးယူနိုင်ရေး အစွမ်းကုန် တာဝန်ယူဆောင်ရွက်သွားမယ်လို့ ထုတ်ပြန်ချက်မှာ ဖော်ပြထားပါတယ်။
