ငလျင်ကြောင့် ပြိုကျခဲ့တဲ့ မန္တလေးမြို့က ဂရိတ်ဝေါဟိုတယ်တွင်းမှာ ပိတ်မိနေသူတွေနဲ့ သေဆုံးအလောင်းတွေ ထုတ်ယူဖော်ယူခွင့် ဟိုတယ်အုပ်ချုပ်ရေးအဖွဲ့က ကန့်သတ်မှုတွေပြုလုပ်ထားတယ်လို့ သိရပါတယ်။
မတ်လ ၂၈ ရက်နေ့ မွန်းလွဲပိုင်း လှုပ်ခတ်ခဲ့တဲ့ ငလျင်ကြောင့် ဂရိတ်ဝေါဟိုတယ်ပြိုကျပျက်စီးခဲ့ပြီး ယင်းနောက် ရှာဖွေရေးလုပ်ငန်းတွေ ခဏတာလုပ်ဆောင်ပြီးနောက် မတ်လ ၃၁ ရက်နေ့ ညပိုင်းမှစတင်ကာ ပိတ်မိနေတဲ့ ပြည်သူတွေနဲ့ သေဆုံး ပြည်သူ ရုပ်အလောင်းတွေ ထုတ်ဖော်သယ်ယူခွင့်ကို ဟိုတယ်ပိုင်ရှင်က စတင်ကန့် သတ်နေတယ်လို့ဆိုပါတယ်။
လက်ရှိ အချိန်အထိ ဂရိတ်ဝေါဟိုတယ်က အသက်ရှင် လျက်ကယ်ထုတ်နိုင်သူ ၂ ဦး နဲ့ သေဆုံးအလောင်း ၂ လောင်းကိုသာထုတ်ယူနိုင်သေးပြီး ကယ်ဆယ်ရှာဖွေမှုတွေ ဆက်မလုပ်ဖို့ ဂရိတ်ဝေါဟိုတယ်အုပ်ချုပ်ရေးအဖွဲ့က မတ်လ ၃၁ ရက်နေ့မှာ စတင် ကန့်သတ်မှုတွေလုပ်လာပြီး ပရဟိတအဖွဲ့တွေက ပူးပေါင်း ရှာဖွယ်ကယ်ဆယ်မှု တွေ မိမိအစီစဉ်နဲ့ ဆောင်ရွက်မယ်လို့ ဟိုတယ်ကို အကြောင်းကြားပေမယ့် ဟိုတယ် အုပ်ချုပ်ရေးအဖွဲ့က ခွင့်မပြုဘူးလို့ သိရပါတယ်။
ဆက်လက်ပြီး ဟိုတယ်မှာ တည်းခိုနေတဲ့ တည်းခိုသူစာရင်းကို ကယ်ဆယ်ရေးအဖွဲ့တွေနဲ့ သက်ဆိုင်ရာ မိသား စုဝင်တွေက ထုတ်ပြန်ပေးဖို့ တောင်းဆိုခဲ့ပေမယ့် ဟိုတယ် တာဝန်ရှိသူတွေက လူစာရင်း ထုတ်ပြန်ပေးဖို့ ငြင်းဆန်လျက်ရှိတယ်လို့လည်း သိရပါတယ်။
ဓါတ်ပုံ- New Day Myanmar
