ကတ်သလစ်ခရစ်ယာန်ဘုန်းတော်ကြီးတစ်ပါးဖြစ်သူ ဖာသာဒေါ်နယ်မာတင်ကို ဖမ်းဆီးသတ်ဖြတ်မှု ကျူးလွန်ခဲ့တဲ့သူတွေကို ဇူလိုင်၁၀ ရက်နေ့ကအလုပ်ကြမ်းနဲ့ထောင်ဒဏ်နှစ် (၂၀)ချမှတ်စီ ချမှတ်ခဲ့တယ်လို့ ရွှေဘိုမြို့နယ်ထဲက ဖာသာဒေါ်နယ်မာတင်နဲ့နီးစပ်တဲ့ သတင်းရင်းမြစ်တွေထံက သိရပါတယ်။
အဲဒီဖြစ်စဉ်ကျူးလွန်သူတွေဟာ ရွှေဘိုဒေသခံကာကွယ်ရေး တပ်ဖွဲဝင်တွေဖြစ်တဲ့ တိုက်ကော(ခ)ဝင်းဇော်ဦးပါ (၈)ဦးကိုပြစ်ဒဏ်ချမှတ်ခဲ့တာဖြစ်ပါတယ်။
သူတို့ဟာ အခု ၂၀၂၅ ခုနှစ် ဖေဖော်ဝါရီ လ ၁၄ ရက်နေ့မှာ ကတ်သလစ်ဘုန်းတော်ကြီး ဖာသာဒေါ်နယ်မာတင်ကိုဖမ်းဆီးသတ်ဖြဝ်ခဲ့ကြတာဖြစ်ပါတယ်။
ကျူးလွန်သူတွေကို အဲ့ဒီနေ့ ညနေပိုင်းမှာပဲ ရွှေဘိုမြို့နယ် ပြည်သူ့ကာကွယ်ရေးအဖွဲ့ တပ်ရင်း ၅ က ဖမ်းဆီးထိန်းသိမ်း စစ်ဆေးပြီးနောက် ၅ လအကြာမှာ အခုလို ပြစ်ဒဏ်ချမှတ်လိုက်တာလည်း ဖြစ်ပါတယ်။
ကတ်သလစ်ဘုန်းတော်ကြီး ဖာသာဒေါ်နယ်မာတင်ရဲ့ဈာပနအခမ်းအနားကို ဖေဖော်ဝါရီ ၁၆ ရက်နေ့က ပြင်ဦးလွင်မြို့မှာ ပြုလုပ်ခဲ့ကြပါတယ်။
သတ်ဖြတ်မှု ကျူးလွန်တဲ့နေ့မှာ သံသယတရားခံ ၁၀ ဦးကို ကနဦးဖမ်းဆီးထိန်းသိိမ်းထားပြီး စစ်ဆေးမှုတွေ ပြုလုပ်နေတယ်လို့ အမျိုးသားညီညွတ်ရေးအစိုးရ ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန က သတင်းထုတ်ပြန်ခဲ့ပါသေးတယ်။
ဓာတ်ပုံ- ကတ်သလစ်ဘုန်းတော်ကြီး ဖာသာဒေါ်နယ်မာတင်
