၁၈ မတ်၊၂၀၂၅
ပဲခူးတိုင်း ကျိုက်မရောအကျဉ်းထောင်က ထောင်အာဏာပိုင်တွေနဲ့ ထောင်ဝန်ထမ်းတွေ အကျင့်ပျက်ခြစားမှုတွေ ပိုမိုလုပ်ဆောင်လာတာကို နိုင်ငံရေးအကျဉ်းသူများအဖွဲ့ WOPP က စုံစမ်းသိရှိရတယ်လို့ ဒီနေ့မှာ ထုတ်ပြန် ပါတယ်။
ကျိုက်မရောအကျဥ်းထောင်မှာ လက်ရှိတာဝန်ထမ်းဆောင်နေတဲ့ လ/ထ ကမရ(၁) ပွင့်ဖြူဝင်းနဲ့ တပ်သားမြင့်မြင့် ထွန်းတို့ က အကျဉ်းသားမိသားစုတွေကပေးပို့တဲ့ အကျဉ်းသူတွေရဲ့ အပ်ငွေတွေအပေါ် ကျပ် တစ်သိန်းကို နှစ်သောင်းဖြတ်ယူနေပြီး ကျပ် ၃ သိန်းကို ကျပ် ခြောက်သောင်းအထိ ခေါင်းပုံဖြတ်ယူနေကြောင်း စုံစမ်းသိ ရှိရတယ်လို့ ဆိုပါတယ်။
ဆက်လက်ပြီး တပ်သား မြင့်မြင့်ထွန်းဆိုသူမှာ ကျိုက်မရောအကျဉ်းထောင်အတွင်း Wave Money Password နဲ့ ID များယဲပီး ငွေထုတ်ပေးစဉ်အချိန်ကလည်း ကျပ်တစ်သိန်းကို ကျပ် သုံးသောင်းအထိ အကျဉ်းသူတွေရဲ့ ငွေကြေးတွေအပေါ် ခေါင်းပုံဖြတ်ယူဆောင်ခဲ့သူဖြစ်တယ်လို့လည်း ဖော်ပြထားပါတယ်။
ဒီဖြစ်စဉ်နဲ့ ပတ်သက်ပြီး အကျင့်ပျက်ဝန်းထမ်းတွေရှိနေတာကို ထောင်အာဏာပိုင်တွေအနေနဲ့သိရှိပြီး အမြန်ဆုံး အရေးယူဆောင်ရွက်ရန်နဲ့ ကျူးလွန်သူတွေကို အရေးယူတာမရှိရင်တော့ နိုင်ငံရေးအကျဥ်းသူအဖွဲ့အနေနဲ့ သက်ဆိုင်ရာ မိတ်ဖက်အဖွဲ့အစည်းတွေနဲ့ ပူးပေါင်းဆောင်ရွက်သွားမယ်လို့ အသိပေးထားပါတယ်။
Photo – WOPP
