၁၇ မတ် ၂၀၂၆
ရန်ကုန်မှာ ကျောင်းကြိုပို့ယာဉ်အချို့ အ ထောက်အထားအပြည့်အစုံပါပေမယ့် ဖမ်းဆီးဒဏ်ရိုက်ခံရတာတွေရှိနေတယ်လို့ ကျောင်းကြိုပို့လုပ်ဆောင်နေတဲ့ ယာဉ်မောင်းတွေဆီကနေ သိရပါတယ်။
မနေ့က မတ်လ ၁၆ရက် က အင်းစိန်မြို့ နယ်အတွင်း စာမေးပွဲအတွက် ကျောင်းကြိုပို့လုပ်နေတဲ့ ယာဉ်တစ်စီးဖမ်းဆီးခံခဲ့ရပြီး၊ အထောက်အထားအပြည့်အစုံတင် ပြတာကို လက်မခံဘဲဖမ်းဆီးတာ ဖြစ်တယ်လို့ ဆိုပါတယ်။
စစ်ကော်မရှင်ဟာ စုံ/မ ရက်အရ ကိုယ် ပိုင်ယာဉ်ကလွှဲလို့ ကျောင်းဖယ်ရီ၊ ဝန် ထမ်းဖယ်ရီ၊ အငှားယာဉ်(လုပ်ငန်းလိုင်စင်)နဲ့ ကုန်တင်ယာဉ်ကြီးတွေ၊ မြို့တွင်းပြေးဆွဲနေတဲ့ အများပြည်သူသုံး YBS တွေကို ခြွင်းချက်လို့ သတ်မှတ်ထားပေမယ့် အောက်ခြေမှာတော့ ဖမ်းဆီးဒဏ်ရိုက်တာတွေ ရှိနေပါတယ်။
“ကျောင်းကနေ ဖယ်ရီကားပါဆိုပြီး အထောက်အထားအပြည့်အစုံ ပေးထားတယ်။ ဒါပေမယ့် မရဘူး၊ ကျောင်းကား Ferry ပုံစံပဲ ရတာပါတဲ့။ အခြားကားမရဘူးတဲ့။ စာမေးပွဲရက်မှာ ကျောင်းကားဖြစ်ကြောင်းအထောက်အထားအပြည့် အစုံနဲ့ တောင်မရဘူး။ ရုံးမှာဒဏ်ငွေသွားဆောင်ဖို့ ချလံဖြတ်ပေးလိုက်တယ်” ဟု ဖမ်းဆီးခံရတဲ့ ယာဉ်ပိုင်ရှင်ရဲ့မိတ်ဆွေဖြစ်သူတစ်ဦးက New Day Myanmar ကိုပြောပါတယ်။
ဒီကနေ့ မတ်လ ၁၇ ရက်ဟာ စစ်ကောင်စီပြုလုပ်တဲ့ တက္ကသိုလ်ဝင်တန်းစာမေးပွဲ နောက်ဆုံးနေ့ အနေနဲ့ ဇီဝဗေဒနဲ့ ဘောဂ ဗေဒဘာသာရပ်တွေ ဖြေဆိုခဲ့ကြပါတယ်။
ဓာတ်ပုံ-Cj
